2021 йил 2 февраль куни Самарқанд вилояти транспорт бошқармасида Самарқанд агломерацияси транспорт мастер-режасини ишлаб чиқиш бўйича ишчи гуруҳининг биринчи лойиҳа йиғилиши бўлиб ўтди. Ўзбекистон Республикаси Транспорт вазирлиги ҳузуридаги Транспорт ва логистика муаммоларини ўрганиш маркази ва Самарқанд вилояти ҳокимлиги буюртмачилари вакиллари ҳамда лойиҳа ижрочиси — SIMETRA компанияси делегацияси иштирок этди.

Учрашувда лойиҳанинг биринчи босқичи — бошланғич маълумотларни йиғиш борасидаги ишлар, транспорт интенсивлиги ва йўловчилар ташиш ҳажмини ўлчаш бўйича услубий тайёргарлик, шунингдек, аҳолининг ҳудудлараро харакати бўйича телефон орқали сўров ўтказиш жарёнлари муҳокама қилинди. Дастлабки маълумотларни тўплашда муаммоларни ҳал этишга оид саволларга алоҳида эътибор қаратилди.

Учрашув Самарқанддаги бир неча муҳим инфратузилма объектларида ишчи гуруҳининг сайёр учрашувлари билан давом эттирилди. Иштирокчилар шаҳарнинг автобус бекатлари, БРТ автомагистрали ва қурилаётган Қорасу турар-жой массивига ташриф буюришди.